各位C兄,小妹剛買左隻細船,上星期大大地雨西貢玩左轉,發現個GPS (RAYMARIME)反應好慢(船方向轉左GPS都未show到),是否正常呢?還是我唔式較?請指教...

想問一吓當時天氣及航速, 同時好慢是指多少秒?
我有用開手提電話的gps, 反應會大約一至三秒同時要有大約五米的差距才會顯示到.因為gps誤差由1.5至5米, 而讀取數據大約每一至三秒一次.

如果船隻慢速轉向, gps 係有可能唔能夠即時顯示, 因為 gps 都係靠計算gps 坐標既改變黎測量船隻既船速同航向, 如果船速太慢時, 係有機會測唔到.
另一個可能就係 gps 型號太舊, 計算能力比較差.

無錯,當時特然好大雨,一時能見度等如靈,所以以為睇住個GPS(新買架!)好慢喳就OK,點知喳喳下發覺原來在原地轉圈(船頭見番浪尾!!),GPS圖表睇落以為前面系海點知係山,轉緊圈又慢兩秒先show到,嚇死我同D friend (花容失色)!
以你地高見是我新手底B,還是個Raymarine 有得較下呢?請指教...

如果零能見度，淨靠GPS同雷達係好牙烟，最如唔好郁，响啤臣著哂燈，慢慢挨等睇到路先行！

想問下lulu你個隻係咩船?係咪泊係白沙灣呢?

黃色船仔...not白沙灣,somewhere in 西貢．　下次見到我可叫聲lulu呀！

lulu你玩那一個艇會, 收費及設備如何?

如果你個 gps 有海圖, 咁就可以你當時方位配合羅更黎決定航向, 若船速太慢, 靠GPS 黎睇現時航向係絕不準確的.

我都想問下joey兄，乜o野原理會係慢船個ship heading 會有問題囉，同埋幾慢先至唔好信gps 個ship heading?

GPS 如果無內置電子指北針, 佢既船隻航向係利用此刻既經緯度同下一刻既經緯度之間的差異計算出黎, 先唔講GPS本身係無差分定位時高達 25-40呎既偏差, 如果每秒行駛距離只係四五十呎仲要係轉緊彎, 試問GPS 又點可以即時及準確反映現時航向呢

先此聲明, 我只係用過 GARMIN GPS60MAP, 60CSX, 276C 3部, RAYMARINE 我無用過, 所以我既經驗未必適用於其他機種

各位千萬不要搞亂ship's heading和GPS提供的COG (Course Over Ground)啊。

人造衛星導航儀,導航儀主要用途導引航行,內置功能可以調校配合個人須要,假如改變制式或導致失準勿須要輸入密碼方可調校,請放心.
內置羅盤是用來計算方位,配合內置時鐘估計到達時間,例如預先制定多條航線,或即時制定航點,由處理器運算,指示航向.及轉航點.
本船位置是根據天上經過之人造衛星互動,最小須要二隻衛星才可顯示出,香港位置最多能收到十粒星訊號所分析所收十分準確誤差小於五公呎內.
假如船隻停定,內置羅更未有航向指引因此船首線將不停變動.當船隻行駛時船首向即出現,(有時停航後因流水推動船隻都出現船首線)
至於未能出現船首線或許未有收到衛星而導致,又或根本你船隻正在停止行駛,又或你的GPS內置處理器功能不足,未能即時互動運算.
GPS祗顯示本船位置,假如單獨利用航行必須小心,實際海面情況由雷達去探測顯示,假如能互相配合運用,航行時提供資料較為完善.
我曾經拍攝導航儀器航行短片,但我未知怎樣在此播放,請各位有識朋友指導指導.

mkc,以往把影片放在網上供人收看手續比較複雜，但自從有了YouTube這類網站經已變得很簡單，以你來說應該難不到你。

1) 首先你必須把影片傳到電腦，假如你的影片以舊式攝錄機錄製，你必須先把影片capital到電腦上(數碼化)方可進行下一步。 如果你以其它裝置拍攝，例如相機、手機或攝錄機，只要把片後直接傳到硬碟便是了。

2) 在硬碟找到你的影片後，然後把它轉變到適合youtube網頁上載的格式，YouTube 接受 .WMV、.AVI、.MOV 和 .MPG 格式的許多影片檔案。 我們發現從 .wmv 格式轉換成的檔案，通常其播放品質要比其他檔案格式的差。如果您有 .wmv 檔案之外的其他格式的來源影片，則可以直接將其編碼為 MPEG4（DivX、Xvid、SVQ3），解像度為 640x480，帶 64k 單聲道 MP3 音頻。如果您的來源 .wmv 具有高位元率和較大的解像度，則可以將其轉換為全解像度的 MPEG4，然後使用高品質調整演算法將解像度調整為 320x240，這有助於減少影片後期處理所造成的人工失真情況。 (我習慣使用AVIcoverter, Quick Time Player Pro來轉格式，比較簡單方便。)

3) 如何剪輯你的影片？大多數電腦均已安裝了某種類型的影片剪輯應用程式，例如 Apple iMovie 或 Microsoft Movie Maker。使用這些程式，您可以輕鬆剪輯您的影片、加入音軌、變更檔案類型、壓縮檔案大小等。

4) 如何上載影片？ 完成對影片的編輯後，你需要到www.youtube.com 登記一個新帳號，然後按指示從硬碟上載你已壓制好的影片，請確保影片長度少於 10 分鐘，檔案少於 100MB，並且為可接受的格式，這樣就準備好上載影片了。 你大可到youtube的說明中心參考一下。

1 在任何一個 YouTube 頁面右上角按一下 [上載影片]。
2 盡可能輸入有關影片的資訊，包括標題、概述、標籤和類別。所包含的資訊越多，用戶就越容易找到您的影片！
3 確定您要將影片設定為 [公開的] 還是 [私人的]。
4 按一下 [上載影片] 按鈕。
5 在下一個視窗中，按一下 [瀏覽] 按鈕以瀏覽影片檔案。選取您要上載的檔案。
6 按一下 [上載影片] 按鈕。

將影片上載到 YouTube 可能需要數分鐘至一小時不等。完成上傳後大約過半小時便可收公開收看。處理時間很大程度上因您的原創影片格式、檔案大小和上載瀏覽量而異。處理時間可能是幾分鐘至幾小時不等。 假如你想與朋友分享，簡單的方法你可以把超連結貼出來，不然你可以從網頁右上方複製html code，然後嵌入討論區內，就好像這樣。

嘩！大哥，可唔可以擺D無咁殘忍的片做示範啊。下次有D咁o野可唔可以淨係post條link再加句溫馨提示呢。網主大哥你又點睇啊？善哉，善哉。

細佬兄:
好根時間沒有與你討論吹水,首先謝過你的指導,如果那般樣理應十分簡單,我會嘗試.
經時常到掛在口邊,出外靠朋友,以前感到這樣是可以開懷暢談好地方,結識到一肆沒有任何利害衝突,亦素未謀面網友,無他盡我所知提出討論文泡經驗吹吹水,樂不可支,每日開電腦首先選擇,現階段好似己有改變了,請問大家是否有同感呢.
但可能自已言多必失,可能對某些人造成不必要的威脅或無意的影響,請諒.
很多事未自已意見便代表事實,提出討論交流,接受他人的意見,嘗試改變自已想法,或者會更好呢.

哎....世事往往豈能盡如人意，但我總相信真誠的討論一定有收視既，所以mkc兄也毋須自我審查，因為我相信在這裡討論並不會對某些人造成不必要的威脅或無意的影響。(我估計你是指這網站的生意，對嗎？) 打得開門做生意，面對競爭是必然的事，反而有人流才會有銀頭，你若果收收埋埋唔同大家分享就真係少好多人流囉。

順便回應一下Seaworthiness兄的關注，我看到你另一留言曰：「如果本地釣友都以咁樣態度釣魚就好啦。」我估你都是一位愛護自然的人，但你有否留意到我所貼的影片出處呢？ 我不喜歡殺戮，但有時我地都要面對現實，我諗去街市買豬牛雞的時候，何嘗會想到長沙環屠房裡的牲畜是如何被殺呢。 這片子是綠色和平組織講述有關Defending Our Oceans的宣傳片，目的並非刻意賣弄宰殺恐怖。 他們在From Sea to shelf開放給大家討論工業式補魚和影響，有時間可以去看看。 你的溫馨提示建議都很好，不如大家下次貼片時都簡單講解一下內容。 開發html是一件好事，但大家有改進空間亦是一件好事呢。


Quote:
About This Video
This video shows what happens to the vigorous, majestic tuna, after they are captured. It's a little less humane than what happens in your local slaugherhouse but its compelling viewing.

先多謝細佬兄的提點，小弟並非什麼環保份子，亦有殺生，但絕不欣賞虐殺行為。該片段看了片刻便把它關了，再無興趣無繼續探本求源。請細佬兄見諒。可惜互聯網就是這麼一個令人又愛又恨的家伙。言論自由絕對要尊重，至於如何平衡就見仁見智了。

多謝多位C兄,不過都唔系好明...
anyway 回應alex兄 關於船會:
當我第一次去我個船會時,感覺系好似系香港行行下突然變左系外國咁!我孤陋寡聞真系有D意外香港竟然有D咁靚的地方...左邊系橙色兩層歐式clubhouse,右邊系一條條木橋頭拍晒大大小小游艇,好似去左california orange county 或者西班牙海邊咁.當然重有非常直得一提通至船會的小路,短短3分鐘車程要喳得好慢,因為要小心對頭車同好多road bump,但好處系可慢慢欣賞人地D海邊別墅,靚到死.
入會費系貴的,我初初都考慮好耐(clubhouse 只有小餐廳,無其他facility),但我問自己當初志願買隻小艇為勿?無非想遠離城市煩擾及暫時忘記工作/老板,正正就是船會比到我的感覺.而且有橋頭拍船,其他船會要拍浮浦出入都靠接駁艇系有d麻煩...

04 年問過要 $180K 另有折 ~~
確係貴 .......