小弟想買GPS和測深機，各位有沒有好介紹呢，預算三四千左右，二合一還是分開買好呢......

睇睇舊文，包有收獲。

禽日山長水遠去咗JOE'S買禮物，不過唔係畀自己，送畀香港啲親友


睇吓個盒係乜冬冬先


原來係fish finder，即係測深機


唔好以為好多功能，原來呢啲功能一樣都冇(optional)，想要就自己加上去，連埋既都有得賣，不過好貴囉


寄出去之前點都要打開個盒睇睇先，少咗野就大件事囉


折開睇吓先


咁多膠袋真係唔環保


背面有好幾個接口，就係可以將之前唔包果啲野接上去


幾個接口分別可以駁水溫計、gps接收、無線sensor接收


GPS Ready，故明思意即係冇GPS囉


底坐


一接即合


就係咁樣啦





安置在水中的接收器


近照一張


其餘既parts


接駁12v電接頭


接駁水中sensor的接頭



雖然係舊款，但勝在平，埋單出門口都唔駛千三蚊港幣

1. I have a naveman, made in New Zealand, a very good fish finder, and cost only HK$1,350.
2. GPS, not much idea, but please don't buy those China model. They are not accurate and very slow in responding. My friend bought one and has to change to other non chinese made model. The GPS doesn't function well when he sails to 20 Knot miles away from Hong Kong.

如有可能，當然係幾合一的好，我用緊部Garmin 176c，彩色，唔駛外置天線，不過要另外買張南太平洋區既海圖，加埋成六千銀。有朋友用緊大陸制既GPS，個樣就冇我部咁型仔，個勝在價錢平，二千鬆已ok。

呢個牌子既機都好好用，我都用左成7至8年，缺點就係針形插頭，鍍金都防止唔到電解，成枝針腳溶解左，不過都用左咁多年，而家個水中感應器壞左，係時候要換喇！我想知你講果個價錢1200蚊，係香港邊度買到呢？

無獨有偶，我出post後就買左哩部一模一樣嘅測深机，有無咁橋....
近排先係上海返來工作又忙，早兩日先得閒落艇試，唔知係咪我唔識用呢，架艇行得快小小就有好多点点(noise)出現，同埋打到个底斷斷續續，但行番慢小小就好似正常，点解呢？另外个探頭係咪有方向性的?是否放係生倉裡面就得呀.

我都睇過garmin彩色內置GPS既機，真係好正，有啲個monitor大到十幾吋，可加裝雷達，但都係一分錢一分貨，冇死錯人，睇見都流晒口水，至於我依個係響美國買既，所以價錢一般都比香港平。
德明兄，如果你果個用咗七、八年，真係乜野本都翻晒啦，係時候買個另一個high model架啦。要放止電解，先要響絕緣方面著手，安裝時可響插頭加入白雪油，再唔係用玻璃膠封好，一定冇事。

至於出現干擾(noise)，通常有三種可能的原因:
1. 電器互相影響，可以把電器逐一關掉看看有沒有改善；
2. 引擎影響，要斷定noise是否由engine而來，著車後入空波、加大油門提升轉數，假如noise是由於引擎加速而產生，問題多數是由火嘴、發電機、或咪錶線而來; 你可以把現有的火嘴換上另一款帶有電阻的火嘴、加裝發電機filter、或把原有的供電及感應器的線路改道；
3. 氣穴現象，螺旋槳所產生的湍流也會做成干擾，因此水中感應器必須安裝在距離螺旋槳15吋或以上的地方。

基本上感應器可裝置在多個地方，但最好選擇在干擾最少的地方，以避免加速時湍流的影響，通常可裝在船尾橫檔外、生倉、側板、或trolling motor上。 同時也需要因應螺旋槳轉向(順時針或逆時針)而決定安裝在相反的方向與及調節水平角度(感應器的一半應低於船底)。 假如決定安置在生倉內，在安裝前應先在生倉找出最理想位置，然後把小艇擱在岸上曬乾，將接合位用砂紙打磨後，用混合膠直接把感應器永久黏著，當然要注意感應器的方向是否正確，侍膠乾後你休想可以再拆下來。

多謝'細佬'詳細回覆，其實說明書都有講，只過我覺得人地用就好似好簡單，我見啲艇家求其將个探頭掉落生倉，又話打到有排口，又話打到有魚，而我就... ，係咪哩隻牌子嘅机無咁易用或好用呢？
因我有兩隻艇好難話裝埂个探頭，可能真係要想想辦法，開頭吾知个探頭有方向性