遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
反新梳化

本人想反新快艇梳化請問各位師兄有冇好介紹,要多少錢?

Re: 反新梳化

我中過計 淨做船長坐位約1.5方尺 無做背 報價二千 做完二千五. 睇報紙成張皮梳化都吾洗咁貴. 請師兄小心.

Re: 反新梳化

gralo兄 ,你試下買張返黎用下o丫,唔駛半年發霉兼生繡,掉得晒錢兼谷氣呀! 用料唔同架,佢話平比你咪用渣料囉。

Re: 反新梳化

係咖! 佢地用太空科技防水料,所以會貴D,同埋頭一兩個月真係唔會霉,仲有,佢地用D木板係頂級木材,所以唔洗任何特別處理都可防蟲防霉兩個月,所以真係好值.

Re: 反新梳化

Somewhere兄,你一定比人滾得多o勒,咁既語氣。所以要貨比三家或者係有referral(比錢都比得條氣順D)
太空科技防水料--->無咁誇張(咁顯得你幾無知,唉 --->係防霉處理,都有分grade同產地來源美國料同韓國料價錢都差一大截啦,唔好講話大陸料(你唔知就醒你o既 。至於木板我諗你都知蔗渣板,普通夾板,防水夾板,高級防水夾板價錢係差好遠啦。你件傢私又唔係standard size, 即係唔可以大量製造啦,咁點可以用IKEA個價o黎比呀,貴過傢私舖係應份o窩,你有本事咪自己造囉!大佬呀,出海係玩船唔係整船呀,係第二度搵多D錢咪豪比佢囉,有時間咪自己慢慢造囉。

Re: 反新梳化

話人無知.....都唔知妳係咩人(可能係憤世嘅中坑),一句講晒,見到妳答人d 問題就覺得妳係屎忽鬼

Re: 反新梳化

柴灣有間有防UV人做皮揀, 用不銹罁釘
鄭生 90341330/ 28963378

Re: 反新梳化

各位師兄!大家不要勞氣,大家只是討論吓!

Re: 反新梳化

柴灣個間唔得架...佢講就話不锈鋼釘. 但唔夠半年就起晒锈... 我就中左招la!!

Re: 反新梳化

咁大家有冇好介紹呀?

Re: 反新梳化

香港區,可向深灣布廠灣睇睇!
九龍區,可往新填地街試試!
西貢區,走到白沙灣停車場附近問問!

一分錢,一分貨。只要唔係鬥平價,一定找到好野的!不要勞氣!

Re: 反新梳化

想問快艇想車返後坐個坐墊要用咩防水面料?
用平時窗台厚墊的 10 CM 高密度海綿+人造皮可以嗎??會防水嗎?
THANK

Re: 反新梳化

SOMEONE SOMEWHERE 師兄: 3個月前用超貴太空人做皮換嘅坐墊,今日已變黄. 椅背既舊皮料依然雪白. 冇辦法啦 樹大有枯枝 無知小弟又中一次喇.

Re: 反新梳化

咁快搞掂左,夏天都未到喎,其實做梳化真係好煩,唔係話佢地貴,而係跟本出面就無得比較,唔好話佢抵唔抵,連值唔值呢個價都唔知,佢地話塊皮係幾錢就幾錢,人工幾多就係幾多,任佢地講,佢地真係覺得個個玩船嘅都係一千幾佰萬未開頭,淨係識話D 皮點好點好,所以咁貴,又話點樣難車法,又再加多D錢.
心水清都知,隻船擺响出面,好天晒,落雨淋(1X-2X呎計),有野庶都會入水,D野幾靚都死啦,KEEP 到一年乾淨都已經難啦,個個朋友上船都會幫你錫住佢咩,你都唔好意思叫人錫住d皮啦
預期係咁,不如平平地用d 平價嘅人造皮,$25-70一碼,茶餐廳用果d都係幾拾蚊一碼,日日咁多人坐咪又係咁,自己有埋衣車識整,25呎船買料要幾錢ar,10碼都係幾伯蚊,連埋頭倉都夠車兩套啦,就算係兩種色,d 手工又要多幾耐ar
錢唔係唔中意比人賺, 而係自己一個月先揾得果一萬幾仟,想比人賺多d都唔得啦

Re: 反新梳化

白沙灣有無好介紹?