請問各位師兄,如果架船出到好遠,又死伙行唔到,有什麽芳發求救,(大吉利是)如果是您地又會點做.我好怕返唔到上岸,幾日都無船行過,又無水又吐哦.其實有無拖船公司會做求救呢啲服務.

買部手提VHF,用Aquapac入住

大吉利是隻船無曬個人浮浮下都可以咁mother救

多謝KK兄回覆

隻艇出到大海茫茫才死火，都咪話吾驚;分分鍾要做魯賓遜!其實只要平時多加留意隻艇精神否,定可减少食驚夙散的機會.有次開船到白腊仔浮潛後本想着船返歸,但隻艇打極都不着,是 Starter 報廢罷工.因地形關係白腊仔係無訊号黑洞,想話飛電叫豬朋來救船都叫天不認!唯有死死氣用後備15匹機以4knots速用了3小時才回到白沙灣. 以我的經驗:
(1) 平時多留意隻艇的機件,每樣件死前一定有徵狀,很少曾突然死亡
(2) 若經濟許可,可存放一台良好後備船尾機於艇內.匹數視大艇而定.我的是26呎故要15匹.
(3) 最好裝埋海事無線飛電,約千五大洋但可避免與世隔绝
(4) 每次出船帶多一個良好的电池,車用的就可.就算不拿來救命也可用在其他小電器處.但記住每次玩完都要拿去充電,不要盡信艇的打拿磨
總之,細心就開得萬年船! Happy Boating!!!

四驅友兄出得海多果然有經驗,我都要放多一部細機作後備至得,行幔啲好過等人救,如果等人來,人地又未必即刻來到,多謝你的寳貴經驗.

另外留意係要有個好錨做定位

請問我隻快艇得一部船尾機,如果加一部細既駛唔駛去海事處攪手續?

原則上是, 要向海事處申報的:
(1) 在申請操作証明書時填妥有一欄"輔助引擎"並提交相関資料,或
(2) 在申請延續操作証明書時,連同一封信和引擎相関資料如購買單據
另外,海事飛电也要向电訊局登記開台.可先發封信連同相関資料給电訊局,信內容當然是話那飛電是用來海事緊急救援用(段古你不會寫用來同長毛阿牛來吹水!)电訊局收到信後會聯絡你跟進的.
你可能會話,咁义多手續,不如安坐家中看4仔算罷!但當遇上海上查牌時,有齊牌照,有怎怕被人兇呢!!