遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
隻船溜電呀!!?

各位師兄,
我隻17尺西式釣艇,用150匹JOHNSON,
最近發現有溜電,通常在油門金鐲部份溜,
有時在近船外邊的水也有溜,手感是麻麻的,
請問從那如何檢查和修理?有危險嗎?

Re: 隻船溜電呀!!?

直流電唔超過50V, 係唔會有觸電既感覺架, 海水係大地之母(mother earth), 係會absorb晒D漏電, 所以你個feeling可能唔係漏電, 係靜電放電, 放完就無事(本人無親身檢視實際情況,純屬斷估)

Re: 隻船溜電呀!!?

但係我Cut 左個電磁頭總制後,
就即刻無溜電哦?
甘點算?

Re: 隻船溜電呀!!?

隻艇有漏電不要太輕視, 以為做吓電療可以强身健體,學吓李三腳得閒攞條電火來嬈吓胸肌乎?! 輕則攪到電池乾塘, 重則攪到有靜电火花爆機.我建議最好快快找电皇來打打脈,找出問題所在.治標方法是,可嘗試接多條地線(由尾機金屬部份)去电池的負極,疏通疏通!無錯,海是大地之母, 它可用大海無量來吸你多出來的...電, 但此會加速你部尾機在海裡電解, 機内的鍟愈來愈細,到最後部機浸水部份出現許多瘸腐,就心痛死囉!!

Re: 隻船溜電呀!!?

請問電王那裡找?我在三門仔。

Re: 隻船溜電呀!!?

12至24v直流電漏電都不能感覺到的,根據分析極可能電壓提升後才能感覺到,汽油機點火系統經增壓線圈將電壓大幅度提升,當到達定時接點時高壓電強放,經火咀導向接地間隙形成火花,點燃適當混合比之可燃氣發生爆炸,將活塞下推.......因此估計漏電在此點火系統發生.
根據經驗通常問題大多出現在火咀線上,例如火咀塞接觸點或分火器出線位接觸不良等,高壓電放出後未能經火咀有效排放等都會出現漏電.
同時咸水亦是良好導電體,假如火咀線上有咸水亦會出現上述問題.
那麼自已嘗試檢修火咀,火咀線之接點,特別注意你副船尾機之機殼封密情況.
睇吓點,修完不成功再提出.

Re: 隻船溜電呀!!?

講開漏電,我都有茂論發表。話說舊年換左隻七年船齡既遊艇仔,搭岸電果陣一路跳Fuse,又查電線,又查電器,幾個師父級都查唔到原因,最後俾我個死黨發現問題原來出自用黎固定各組線路既一塊木版上。塊板因為受潮引致導電,搞到跳Fuse,換左塊板後,一切回復正常。小弟孤漏寡聞,真估唔到原來木都會過電既。

Re: 隻船溜電呀!!?

Alan兄你係電池度飛走負極試下先啦

Re: 隻船溜電呀!!?

Mkc兄o既追蹤目標(點火系統係有高壓產生)極有可能, 對症下藥就解決到問題. 至於澳門船友個case, 乾燥既木或者係電木係唔會導電o既, 可能漬o左鹽"牙"或者係有積水o係個底到做成微量漏電, 所以就跳"水氣掣".

Re: 隻船溜電呀!!?

想問你是否在著車的時間感覺漏電,還是熄車後電池自動耗盡,因為兩種漏電情況截然不同。

Re: 隻船溜電呀!!?

謝謝幾位師兄,
發覺原來控制台下有個還有接線的棄置制扳,
要等待放假才夠時間搞清楚問題所在。

Re: 隻船溜電呀!!?

電池一般有三组綫
一組粗線俾偈
一組俾自動船底泵
一組俾fuse box

起曬D fuse
揾個他表由電池開始度下去fuse box重過吾過到電
明顯地上手船主整船巳經棄左D線,求祈駁返