各位師兄,
唔知各位師兄有冇試過同類事情....
我係10月去左香港仔買野,要買1個12v 105A環保電池,1個刀掣(比2個電池輪流charge.
當我買電池既時候,我問o個條友105A咩價錢,佢就話好貴架喎$1300,咁我心諗都預左係$1400左右到啦,$都ok咁就叫佢比我睇下啦,佢就係咁叫我買o的平野(較小A),講到我好似死窮鬼咁...因為我部新機要求用105A(為此先至買多一個合適既電池),當我正想走人既時候,佢先至話拿比我睇,咁我就睇睇啦,點知個電池係寫住95A(好細隻字),我咪問佢有冇拿錯囉,佢就話冇拿錯,O個個95AMP唔係代表個電池得95A!!同佢理論左一輪後,佢就問我係咪做電器個行.....
跟住又行左去第二間到睇刀掣啦,問左一個較大SIZE既$,跟住睇到一個細好多同靚仔好多既,咪問多次咩$囉,佢第一句就話呢個貴好多個喎,當時我望住佢佢又望住我,等左成十秒先至肯講幾錢.咁我覺得價錢OK,咪問多句大同細二種有咩分別囉(因為放左係較難拿既位置),佢就反問返我架船有幾大隻定係幫人地買(你老闆)!!!我當時火都出埋咁濟...咪自己拿黎睇,原來2種既分別只係SIZE同設計問題,而funtion同埋可承受電流係一樣.
唔知係唔係因為我穿著短褲,拖鞋既就係死窮鬼(冇錢買較高質素既用品???
難度買船上用品都要好似去高級夜總會咁,要穿著西裝先至有錢買較貴既用品???
唔知大家有冇試過同類既服務態度???

應在此公佈 "合鴿眼" 店鋪既名俾我地知道，等我地set好個頭、著得靚仔兼企理先至去幫襯丫嘛！喂，老兄，駛唔駛著埋巴理鞋呀！！？？！

D鋪頭東主係咁款....懶係入貨貴

又博你睇吾到,求祈俾D差吾多即野俾你

師兄吾好心煩啦,正所為有銀吾使俾人知!

$1400蚊落LKF一條友飲好少少都未必夠埋單啦!

點解唔公佈下果間o野(明示或暗示)等大家煩o下佢,唱o下佢,或者係呢間有料到哩(佢覺得你唔識野睬你都傻)!

Oscar 兄，
我都發覺依家啲人做生意普遍都唔多老實，態度又唔好，特別你啲冷門行業。如果你覺得條氣唔順，又或是想改善這種社會風氣，那就供開此店鋪資料，等大家都知到！大家傳開去，給他教訓。

起香港買野就係咁衰，假如你唔係行家，你行入去電器舖、五金舖或者木園問野，果啲老細唔單止幫唔到你，仲分分鐘畀佢串完一輪先至行番出嚟。 響外國就好得多，唔識就有專人教埋你點用，如果太貴就叫你等減價、又話埋畀你聽應該點買至啱budget.

合利船品.....
我諗我唔會在幫襯呢間野架啦>.<

Oscar，
下次去買野或搞野，Call 我同行啦!
我最會講價!

THANKS~咁你記得著返套西裝啦喎~~哈哈
唔係既話,我諗佢都費時睬你呀.....

Oscar ,
可否給我電話？有事請教！
看電郵！
Alan