遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
大家覺得日本係海洋保育同香港有咩分別?

突然有感而發~唔知大家有冇同感,香港個海越黎越差呢,我覺得之前O的魚民抗議油價上漲,令到經營困難,要求政府補貼,我覺得某程度上黎講佢地都有責任,見到有大部份既漁民大小通吃,連魚苗都唔放過,基本上係冇機會比O的魚成長.又有部份漁民將網上期沈於排邊,得閒就露下佢,拿完O的魚就放返洛去,到張網破爛得嚴重就唔理佢,O的魚就比O的爛網正死晒,我就試過一怒之下把一張很長既爛網扯晒上船後將佢拿去垃圾站(都好累架>.<).油價,成本上漲而海洋資源越來越少,更係經營困難啦~~但係就唔諗自己既惡行,個個為左一次搵多O的錢就唔諗下10年後既惡果,最終自食其果!!PS.我旨既係一部份既漁民
唔知大家覺得有O的咩野方法係可以向日本學習,令到香港海洋可以得以改善??

Re: 大家覺得日本係海洋保育同香港有咩分別?

一般岸上人中得政府同世界自然基金會啲莓,一味以為海冇魚就係魚佬攞哂,事實上開埠以來填開超過六千公頃,每日幾百萬市民生活工業汚水未經處理排放百幾年,至今有了排污費所處理者不過幾成,仲係二級處理,以往優秀魚場如吐露港將軍澳昂船洲,今日魚毛冇一條,玫瑰園工程在南丫海峽挖盡優質海沙起機埸廸士尼,魚虾大減,至今未曾恢復,每船只賠三幾仟!最近港燈鋪天然氣海底護牆,蒲苔至南丫以北魚虾幾絕,以南大陸水域卻豐收,政府唔認錯做埋報告話冇乜影响重多咗魚釣,問佢係邊位專家意見,班官竟然話喲專家係義務,吩咐唔可以開名!最近中電曾有意在大小鴉洲起天然氣中轉站,好識做話哂比漁民代表知氣管点埋,唔使起牆,淨係填個碼頭仔,問埋有乜要求,算係良心企業代表,点知自然基金班友話氣站會降低水温零点幾度破壞海洋喎!有一次公開論壇我就呢件事媽佢,唔見佢話過港燈石牆一句?夠唔夠胆公開有冇受過港燈贊助?佢地當堂冇聲出。作為局外人所謂有感而發我唔怪,作為局內人我話你知,作為香港真正原住民嘅水佬,犧牲了一忽一忽嘅飯碗比政府填海賣地起樓,萬億財富造就香港繁榮,佢地冇因此賠得一分錢,我唔敢話漁民有冇濫捕,但比起填海污染,濫捕算老幾?如果話爛網我話你知自從油價起大陸收爛網再造,灣內浮水網早絕跡,最多係喲玩玩吓喲釣友留低!

Re: 大家覺得日本係海洋保育同香港有咩分別?

日本仔的海洋保育淨係保育佢自己的領海。有無睇過佢地去南極殺鯨魚啊?去http://www.seashepherd.org/看看啦!

香港人就只會互推責任。我時常行經碼頭邊,多數釣友都是濫釣的。試問裡又有幾人會做到釣到細魚會放回海的!

Re: 大家覺得日本係海洋保育同香港有咩分別?

sampan 兄~~~你都講得幾有度理...
其實我都係中電做架~~~我覺得中電係一間幾有責任既公司,對環保都投放左好多資源~又有同o的學校攪o的環境保護活動(如植樹),中國大地震就員工捐幾多公司就額外捐幾多,但係個香港政府就淨係識得一味針對中電~唔知大家有冇覺得係電視到睇,全部狗官都係講中電,而港燈就唔講,唔通李家誠係老闆就冇問題,而港燈就意見接受態度照舊,照加電費,而中電都有做凍結電費同回饋.
其實我都覺得香港政府既狗官都淨係識得互推責任,我早幾年係西貢既海岸公園保護區露營(6日5晚)眼見寫住不准補魚,但就見o的人係放網,都冇人理.而係我住個邊(西水),就幾乎次次出海都見o的大陸仔係咁潛水拾海膽,放網等等(無牌眼既船),但係最離譜既係係長洲,石鼓洲,喜靈洲等水域出沒都冇人會理,o的水警見到有牌同無牌既船都係選擇查有牌眼既船,唔理o的大陸仔(唔知係咪怕足佢太多野做= =").而我就見過幾次o的水警係喜靈洲公然釣魚(最衰冇相機)

seaworthiness兄,
你都講得好有度理,但係香港政府就連自己既水域都唔理唔保育= ="
要改變政府班狗官?我覺得冇咩可能,因為個個都係推得就推卸得就卸,所以唯一可做既係靠大家同教育下一伐來保護海洋

Re: 大家覺得日本係海洋保育同香港有咩分別?

sampan 兄,
請問介唔介意講我知你做邊行架??可以媽O的狗官咁好^^
你都講得好好~~我都覺得某程度黎講O的漁民未必真係想大小通吃,但係係資源不足既環境下,都要食飯,都要養家....

Re: 大家覺得日本係海洋保育同香港有咩分別?

我阿爺輩仲係水佬,我叫得sampan梗係做水上運輸啦,有時得閒幫世叔伯業界團體開會同政府爭取吓權益咁啦。

Re: 大家覺得日本係海洋保育同香港有咩分別?

我呀公呀婆都係水佬~~~上左街都有幾年lu.....
我o地呢伐都好難做漁民,我個fd隻南沙艇都做唔住,但係好在隻船都賣得出.....