我想買二手快艇, 16-18尺,釣魚用,船外機,40匹到,泊船位置無問題,已有二級船主大計牌,請問大家有咩途徑買呀?
網上好似唔係好多選擇;去船廠睇?
大家俾D指引小弟呀. thanks!

你可以去西貢d 船廠睇睇,,,又或者去白沙灣問下,,,應該都會找到好多,,,,

16-18尺,釣魚用,船外機,很少40匹的

我去年10月裝了一隻16尺新船真的裝咗40匹yamaha有电上落新機。但over power 了隻艇大約1800轉車已行20 log (gps speed)　開到3000轉只很難車（船頭升得太高）。我有個朋友同一隻船裝３０匹好車好多不過３０匹沒有电上落。

請問40匹yamaha連裝機費用要幾多錢呀

大約23000有电升降裝工大約1700

請問KY兄隻16尺新船係邊度做呀, 有無介紹呀, 幾$呀, 我都想做隻呀, thanks!

長州做連運費9千多低玩。但他做錯曬我想要的位置第一次送來還欠了呔樓要再做過氣死人。不過它出咗隻新17尺可去看看。我有朋友說東涌做得幾好不過貴D但在香港做最好是大澳船廠手工N0.1（因我朋友幾隻也在大澳做）。

KY兄,大澳船廠係唔係長洲呀,9千幾真係好低玩呀,有無相俾下呀,好可唔可以e-mail D資料俾我呀, 我都想做番隻, 禁今個夏天就有得玩啦, 極之感激!!

已email咗D photos比你但到今天這隻小艇已花了大約50000原本想大約30000-40000可裝好點知左整又整…

我收到啦,你隻好正喎, 我就係想整隻禁既艇去釣魚呀,我唔可唔介紹我係邊度買呀!!thanks!

hi James,
賣不是問題而裝船是最大問題，要有地方裝船每樣東西要裝也要錢所以自己懂得安裝最好。而我因朋友玩船很有經驗所有東西也交由他幫忙（省了不小錢）只有船尾機及呔泵要比錢人裝。船你可去長州船廠做但記着要老闆清楚指出你的要求及在單上列明（要有船圖做樣）及我建議你做新的17尺船.尾機可到鴨利州賣平D。而尾機如將來不換大船可用30匹因已很足夠但沒有电動升降。還有到海事處上牌及保險也要花點時間自己去做（2様加起大約1500大元）。最後一题30或40匹YAMAHA機是極高危之偷機對像請小心。

謝謝呀KY兄,我會去長洲問一問, 希望我可以趕得切今年夏天出啦,到時我E-mail D 相俾你睇呀, 十分感謝!

KY師兄：

我都好有興趣看看你的船，可否電郵你船隻的相片給我並提供詳盡的"長洲船廠"地址或電話號碼？

萬分感謝！

長洲成記造艇認真麻麻，我朋友買左隻16呎吾夠一年就賣，個櫃蓋二合一駁埋都得，不過滕在平......

kakit 兄, 請問你有d咩好介紹呀? 謝謝!

KY 兄
你的over power 問題可以換隻細D size 或細D pitch 車葉試下

梗係去東涌造隻16尺半啦，雖然係貴左D，但手工冇得比。全部係香港人手造，又可裝大匹數，10幾年前裝部55匹3個盆，車出大海飛到離晒水都無問題，跟手裝部88匹4個盆，一個字，正！而家已第二隻，裝部125匹4個盆，要幾多有幾多呀

ToTo兄,
新年快樂!
請問船廠叫咩名呀,有無電話同地址呀, e-mail 俾我好嗎, 十萬個唔該

謝 KaKit代找電話。重有一樣提議，通常登件地台都會升得比較高，方便去水，最好定造一個內置油tank放置地台底，再用 foam或厚膠片固定。對航行穩定高很多。

可唔可以e-mail D相睇下& d資料俾我呀, 我都想做番隻。