歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。
如需刊登私人買賣租賃廣告,煩請使用免費買賣/租賃專區亦歡迎電郵本會 info@hkyacht.com.hk 查詢交換買賣廣告專頁費用
師兄,好大工程喎!仲有冇多o的相睇呀?
師兄! 我對你個大Project很有興趣! 請問你成個Project 要搞幾耐? 邊度做? 係唔係連機器,波箱,電器都大修定係翻新? 介唔介意分享下Budget幾多錢? 因為我睇到D相, 見你地施工都好全面同專業!野!
坦白講,我分享嘅目的可能係令想買舊船大修嘅人再三清楚先搞。 隻船係睇西貢一會所嘅廣告發現嘅,呢種船係我靚仔時代嘅dream boat,細隻低馬力慳皮一個人搞得掂,我又唔去得遠一個鐘航程就夠,大風大浪就唔玩,百二匹一個鐘一舊水油渣,新款船除呢間厰仲有出市場根本冇呢類船,而呢間厰新船係天價! http://www.halvorsenboatsales.com.au/images/stories/Island%20Gypsy%2032%20Standard%20Specifications%20Brochure.pdf 還價十鬆萬,嗌做慣遊艇公証嘅老友幫眼睇睇底(人地正常收幾皮嘢寫份report)三十年船,船底有泡難免,成年冇郁過,車葉霉嘅,機器話大修過但死氣喉有煙有油渣預咗要整,老友話我唔要佢要,迫我買姐!佢陰陰笑話我整好借佢玩咪得囉!老友喎! 買咗返嚟先搞机,既然住大修,唔放心,做靚仔哂再整机咪老襯?原來上手冇呃我,拆盤頭簪口仲好新有彈性,係上手整喎咗,死氣連運水個鼓就倉蓋夾硬較低咗引致最後個娃佬倒灌已起銹,如果唔理就額唔番,好彩冇聽啲塘邊鶴講用得就用,但ford lehman已停產,淨買新簪口夠胆要我二仟八佰!我响网上見人哋實百零美金,你好嘢。 揾同我做開嘢纖維佬打吓價大修,如果唔係貴好多就响度整算,返大陸燈油火蠟淨請人揸來揸去報大陸關都一萬幾仟,報返嚟話唔計船底電器,拆木甲板就咁鋪纖維,內櫳翻新装修外翻油唔包電線,都話十六萬八! 返大陸麻煩老友囉。 人哋大厰幾個足球場咁大,有蓋車間五六個做一二百呎船起碼,自己啲野太寒酸,佢話唔收我錢,我點敢受人咁大禮,收番人工料我都多謝啦! 橫掂都大整,執件翻新柯燈車送上去装,加部分体就梳乎嘞!盛惠又萬八! 点知揾兩茂利揸上去珠海,搞到我嘔血!(待續)
嘩! Sampan兄! 好彩你朋友多! 如果唔係都幾大煲! 好! 願聞其詳!
sampan 兄, 又有野想請教你, send 左email 俾你.
兩個都係叔父輩,一個做遊艇船主幾十年,一個重巴閉,收星班東至澳洲西至馬爾代夫,邊度有星斑就去到邊,區區幾粒航程鐘濕碎啦,点知好衰唔衰慳錢累事:住都大修咯,個車葉咪去到先換慳返千零蚊香港排租人工,行到未出長洲頭甩咗兩塊葉,仲要勉强車返嚟唔叫人拖,用咗六個鐘返香港仔,結果係尾軸孿埋,虾殼通爆,好彩拖濕纖維結構冇爆,唔係兩位老人家要跳海!車葉有問題唔關人事係我衰唔換,但甩葉勉强行呢啲咁低級嘅錯誤係冇得原諒!結果呢香港排租貴,搞纖維部份等佢乾透先補俾租都死!拖返珠海剩報關公司同拖費又唔見兩皮未計修理費!真係執條帶累身家!
01031.jpg" border="0" alt="Photobucket"> 真係慢工,希望出到細貨啦!
上層地皮柚木條係咪全新鋪過? 船底o的gelcoat起晒後會點處理??
上下層包括艙內柚木地板都會換,船底已翻鋪完成,較上照片船底已起清見纖維絲,下圖船底已鋪面纖維布,會再上gelcoat。
淨係換甲板柚木個part要幾錢?!
呢個答唔到你,因為係成個工程計做完哂先有單睇。一般係材料加工時計,在香港冇乜人肯咁做,因為太乸脷,一般舊船翻新就咁拆走哂舊木板鋪番纖維算數,成件嘢down grade哂。舊年去黃金海岸遊艇會見倒有檔代理柚木紋膠板替代品問佢幾錢,個鬼佬話連鋪人工成三百幾蚊一平方呎,我伸哂脷話响大陸鄉下啲買呎樓都得喇,佢仲笑我唔知米貴知唔知鋪真柚木板係幾錢添!
有無其他師兄有幫船做"返"新的經驗? 我地應該有咩心裡及經濟準備對買舊船之後的問題?
慢世魔正,十一煙花都未得咯,陰公!
終於到了倒數階段 欄河的舊柚木恢復原有光華,而家有錢都買唔翻咁靚木紋! 千呼喚始出來 快啦快啦!
恭喜.恭喜. 望見家鄉啦...!
請問隻船修理好下水未呀?
超慢工程,今日終於下水Lu!
嘩!終於大功告成!可以想像多少心血!但真係好靚!請問大大話話大概幾錢埋單?當然明白仲有好多友情分計唔晒: )
C Hing Finally you done your gel coat in hong kong or china, how much it's cost and how long? Any contact you can gave it to me!
都差不多 4 個月.... 好正 !!
回家洗白白過年!呢隻麻煩一號黑氣未除,臨落水先發覺要換油缸,車房內攪燒焊一路淋水,烏糟哂!亦唔知係咪咁整濕咗,士撻索掣灣咗要買番上去換,著到車又飛車,上面冇師父肯整,結果先進潘生斬咗我五亳幾子,船厰放假在即唔等我驗收拿拿聲拖翻俾我,你話如果間屋装修完唔驗收結果會点?自然好多手尾!冇計,老友喎!隻船而家泊在香港仔中心新光對出我嘅私家泊位,唔出海就係卡拉0K私竇,有興趣觀摩歡迎留言。
恭喜 恭喜, 幾時搞番個開放日, 等大家...
之前去Lamma Is睇到隻野,細細地但用料一流
師兄,我最近係西貢都睇中隻Dream boat,比你嚇一嚇,都好驚買左返嚟,妹仔大過主人婆!