你地好呀,我第一次上依個網,個網d資料好實用...

小女子對遊艇咩都唔識架,連遊水都唔識,但我好仲意大自然同海架,好想考下遊艇牌,買部艇釣下魚,出下海,我住大埔架,唔知適唔適合玩遊艇?因我見都有唔少地方好似都幾好,但我又冇玩過所以唔知!

我想問大家,如果我想買一部坐到2-8個人的小型艇,要慳油,耐用同易保樣,大約要幾多錢?二手都冇所謂,當然新淨,易控制最好啦!咁一般泊船又應該迫在哪裡,同大約要幾多錢呢?據聞泊海同岸係唔同價的...另外,我又想問埋各位大哥,d油價係點架?一L行到幾遠架?

Alice,

買艇視乎你個budget, 2-8人二手艇由幾萬至幾十萬都有，首先你要考慮慮以下幾點：

1. 揸船要同時擁有船主牌(分1級及2級可駕駛13.7米以下)及大偈牌 (分1級及2級可駕駛160匹以下船內機及無限匹船外機)
2. 你想買艇款色及大小：釣魚艇，快艇，遊艇
3. 泊位位置：西貢，香港仔，大埔。20呎以下可泊岸上。
4. 通常船外機都是用電油，約15元一公升。船內機有電油機或油渣機，約10元一公升。油渣機比較易保養，但買油渣船會比電油船貴幾萬元。至於一公升行多遠，就視乎你隻船engine。我自己架船係油渣船內機，由白沙灣至大浪西灣來回約HK$400。
5. 最後：最好先考牌，預好budget才買，提多一句，第三保保險約HK$1,000，船政府牌費一年HK$750。

祝早日榮登船主。

Alice, 建議roadmap:

(i) 考牌先啦。唔考牌，始終無得自己玩，只能黐人玩。
(ii) 先同其他船友聯絡下，上佢地的船玩下，等知道自己鍾意邊種船先買都未遲。

唔該晒2位哥哥仔的詳細解答先
我想知多少少,個牌對女仔黎講難唔難架,我讀文科,唔係理科,所以唔知難唔難明(睇左依個網d人的考牌經驗),但我一向有進修開(但都唔係理科d嘢),唔知會唔會好難呢,如果只係背下嘢,我ok架^.^ ....
我預左10萬以下....想買入門版,唔知可唔可以放私家車頂呢?
我都幾怕煩架,希望有d方便d的玩法啦^.^
如果我想先試下適合與否,應該點做?

補充一句:如果我想考最基本的,可考什麼先,是否大fly牌??

Alice,

你可以先考2級船長牌先，報名費HK$515海事處填表1張Passport相。之後再報考2級大偈牌。

船長牌主要考50題選擇題：海上安全，航速，標記，海圖，旗號，夜航燈號，霧響號等，如你有需要，留下Fax no.，可fax試題練習給你，你亦可參加網主課程，有人講解，會比較容易明白。

2級大偈牌主要考50題選擇題：20題安全題如防火，10題電油船外機，10題電油船內機，10題柴油船內機。

船泊位分兩種，海或岸上，如果你買是20呎以下可泊岸上，主要由船廠或遊艇會供應，約HK$100每呎。

各位C兄：

我有二級電油船內機牌，現在想補考船尾機，請問是否只考10題船尾機MC呢？20題安全題需要從考嗎？

謝謝回答小弟的問題！

Alice
如果你只要求三倆知己出海釣魚魚.可考慮美國摺合船.4寸厚.可放汽車頂. 可放屋企.

這版版主Kevin教人無數，考牌合格的人也無數，希望各版友知道。
本人24年前已自修合格兩個牌，牌照號碼0003xx號，相信現時已經006xxxx號，DIY容易，但要看各人IQ。
這版年前已有一位台灣籍女版友跟版主Kevin學習上堂，只有汽車牌照，船上兩科engineer和 master，一應考全部一次過，然後上來多謝，本人也與這版女版友飲茶談天，她也說無Kevin 教根本唔會合格。

自學與跟師學，各有所取，唔係你自學考到實係人人都得，你聰明你勁，但唔係人人都好似你咁勁，正如大家上小學，中學，大學，點會話DIY自修完成大學？
我希望各版友留意這點

想問板主的自學在那裡找到 ？我想考一級遊樂船主。

[quote=Alice pls call me 51691888

我剛剛買了一隻登件,洎在三門仔，如你想體會一下大埔海上風光，可帶你一遊

而家泊位好很貴呀

睇你㗎船有幾長，1000-1500在海上，1500-2500可放岸上

你留電話我call你 ok

最好學埋游水啦。我都有隻船係香港仔，一齊出海玩，無所謂啦。

Hong師兄又翻嚟論譠，可喜可賀。Ching仲有冇玩船？

除了買船之外泊船問題都要考慮，1:泊位和泊浮泡的保安是否良好？2:上次打大風(例如:10號風球)泊位是否另船隻安全，應採取甚麼措施？3:泊位費用，如果泊遊艇會的話要考慮入會問題。