想買隻二手快艇去釣魚,請問兩至三萬蚊有冇機會買到?

點解要以價錢來做個選船標準呢？性能唔好，一萬蚊都唔好要。否則出得去，番不來！先看性能才對啊！

中point, 完全同意。不過香港人係精打細算，未必buy你果套。

So兄可能只想知道咁0既「筆直」有無可能呢。當然要睇過至搞鎚啦！單看So兄條問題咁直接，我睇佢最好先搵D玩開釣魚艇的friend玩0下，玩耐就自然會知如果選擇和比較了。多咀問句So兄你有無地方泊艇呢？好重要的問題喔。

對！買艇容易泊位難，就算有泊船位，一般要一，二千元一個月，一年加埋條數都好 ”金”，除非你退左休，大把時間，否則要等放假才能出海，但又要睇天氣，冬季大風大浪又無興趣及危險，你一年用得幾多次？請考慮清楚才決定。
我身受其苦，問過筲箕灣海事處想取消登記，但回覆要將艇送往海事處，我覺很不公平，我是船主，我唔要都無理由送比佢假！借問各位是否有這不合理規例？我的纖維登件十六呎，5人牌。咁如果我的是一艘幾千噸或過萬噸的船，又要取消本港註冊，咁係唔係又要免費送比海事處呢！敬請指點，謝謝！

Simon兄又不要太勞氣。試想想你有架老爺車想唔要，你又要點做呢？正所謂爛船三斤釘，成千上萬噸的船想唔要，所當然會當爛鐵咁賣，唔會送給海記的。還有在香港「註冊」和替隻艇仔搞個船牌絕對不可同日而語。

你唔要就比我喇！係我度你幾時玩就打個電話黎！咁就得喇！唔介意咪轉埋我名囉！

Seaworthiness 兄，謝謝提點，我只係聽果個海事處職員講姐，半信半疑，我問問而己，梗係喇！我送比朋友都有一聲多謝喇！做乜要無La La 送比海事處姐！

德明兄、你係米真係有泊位先！位置在哪裡？如果合拍的話大家用，交個朋友，難得志同道合，一齊出海，我出艇你出泊艇位，你E-mail 比我留電聯絡。

如有網友有興趣，又喜愛釣魚或徒手潛水打魚的話，大家一齊分擔費用，權利和義務，只要不驅小節，又不太斤斤計較的話，也歡迎商談，船泊西貢區較方便，也歡迎提供泊船地點，泊位費愈平愈好。simonmkleung2004@yahoo.com.hk

哈...玩招收朋友的我又來,我在西貢白沙灣一直租了個40呎海泡(因一吾租遲d再買船就租吾返.白沙灣好小位),但都無玩船成年,個泡位又空左成年,有無朋友想找人share,大家交個朋友一起玩了,我出泊艇位,艇你出,其他就分擔費用

Fai、有得傾喎！我出船，你出泊位，咁你 E-mail 比我聯絡丫，睇下可否Join 埋一齊玩，交多個朋友都好播！