PN C兄,你的傳奇小艇是否今朝綁在三門仔避風塘政府泡呢?

不是呀, 你看到類似的艇嗎?

C Hing, Is there still chance to visit your boat? :D

應要等到明年了, 明年或者會轉去水中天, 到時更加方便給你看

PN兄,

你是否會在水中天租借一個魚排泊船?
,是否正如們的website所說$4000/month?
還有,有冇可能三至四艘船共同租一個?
真希望能參觀一下你的dreamboat!

不會租用整個漁排的, 只會租一個位泊船而已。

如果打算幾個人合租一個排來泊幾艘船, 這個想法是不可行的, 因為人家也要保障自己的利益, 一個排的租客, 只能泊一隻船的, 如再有多艘船要泊位, 會要另計租位的

C hing , Me again, I am really interested in know more about your boat :D Please let me know if there is a chance. Thanks so much C Hing

PN師兄我都有興趣做船的，可以whatsapp教導我一下嗎
9345 8343

PN 師兄，已使用數月了，我真的想知道是否值得這樣做，以供我們參考，尤其金屬質量如何，謝謝！

不知想知那方面的資料呢?

其實呢個POST, 都己把我知的也講了, 由那亞里巴巴中國網找船, 跟他們溝通, 訂船, 文件, 到港後要做什麼也有的, 如想知更多而這個POST我沒有提及的, 如我知的, 都會分享

一船的船用五金, 如上水梯, 例如羊角, 扶手座, 入油蓋, 入水蓋, 生艙蓋的門鉸, 可以過得去, 不過扶手用的鋼通仍會有锈漬, 船尾加強用的鋼板會生锈, 呢塊鋼板, 一定要記得叫佢地把邊緣及角打磨, 我的船來到時它很利, 要在裝機時叫師父幫手, 真係好利, 小心, 另外因為生锈, 如你要在這廠找同一款船, 可以他們在鋼板上加玻璃纖維, 唔好步我後塵。 螺絲就差了少少, 一些只用304不锈鋼, 有些更過份, 用鐵的, 更易生锈, 海上用的, 最好要用316不锈鋼

呢隻船, 用了後, 覺得佢地用木太多,船重, 做防水做得不好, 有些木開始發, 排水方面有地方要改進的, 因為佢地無把船底內分隔, 地台及船底下方, 佢地有塡上發泡膠, 不過是一塊塊碎的放入去, 木材方面, 有些接觸到水的地方, 加玻璃纖維工夫做得不夠, 仍有地方會未受保護, 地台天花及牆身是木的, 佢地用了太多木, 好難形容點樣多法。

而家因為一件意外, 船已吊回家自己大修, 我己把原廠的木全部拆走, 用釘槍打的釘, 好似唔駛錢咁, D釘多到好似早上未剃SO咁, 試試一日唔銻DO, 照照鏡就明白我的形容了。

買船時, 已知道他們會用硬包及軟包, 硬包是用鋁塑板做天花及牆身, 軟包是用人造皮包木, 佢地做野就係咁, 我要硬包, 就比了軟包我, 在海上用的, 最好用少D木, 用少D皮, 比佢氣死我

今次大修, 除了拆木之外, 我也把標子泵拆走, 成個地台下方我用膨漲膠封死, 唔再信任標子泵, 船尾原裝都有兩個自排水孔, 無問題, 不過生艙蓋的去水槽太差, 水去不掉的, 會積水, 部份會排到艙底, 再由標子泵抽走, 呢個就係艙底經常積水的主因, 我而家把去水槽也改裝, 能自排了, 今次我把大部份時間用在排水工程上, 用了百多枝膨漲膠, 大陸訂回來, 平好多, 香港一枝都要4 5 十元, 好貴

用我船作參考, 如同廠訂同一船, 叫佢地做, 一早我都講我係第一隻, 我去做試驗品的, 無悔, 不過日後買這船, 真係有好多地方可以改進的, 太多不能盡錄, 有人真係指明呢隻先再詳細講, 如找其他款色及質素, 程序及文件都是一樣的

膨脹膠索左水船身好重 小心小心

KEN兄, 你有聽聞因膨脹膠索水後船身重的經歷, 其實我都幾關心呢個問題, 如有資料, 我也想知多一點, 因為同安全有關的

我就剛剛測試 沒有呀, 電池箱不知點解一下雨便有水, 原本佢是有空間通往船艙的, 我就係唔想有水水走入船艙, 所以我把這條通道封咗, 最近成日下雨, 電池箱仍入水, 不過己沒有水走入船艙了, 而膨漲膠仍是乾的, 剛切了一塊回來用水浸佢, 都無索水, 把浸過水的再切開, 內面都是乾的



膨脹膠本身就是用來塡縫,防水及隔熱的, 有些船也會在地台下方注入這種東西的, 以前在電視見過, 鏡頭下主持人在船上, 船行緊, 佢話信不信而家我的船是撞去船頭呢, 跟住鏡頭拉遠, 船頭是無咗的, 而外露的地方就是這些東西, 跟住便轉去影這隻船的制造過程

我也在YOUTUBE找到有人把一隻Sea Ray的地台鑽洞, 倒入這些泡沬





兩套片的我也有用, 一款是AB水, 倒入去, 一種是噴罐裝, 我覺得噴罐裝效好, 方便, 個洞只需鑽7MM, AB水的洞要開55 MM, 而防水性比AB水好好多, 我船大部份地方是用噴罐的,用了90枝, AB水只用了20枝

上年船未到時, 去船廠買船尾機, 同老細吹水, 老細以前是有生產船隻的, 佢仲問我有無叫國內船廠幫我倒泡沬, 當時我未知泡沬係有AB水類型的, 只知有罐裝, 佢同我講一枝黑色, 一枝黃色, 溝埋便發泡變淺黃的, 我用的AB水, 正是這些黑白料聚氨酯發泡劑了

我以前都諗過咁做 後來有前輩講唔得 話索左水仲大獲所以提下你 我就試過大陸野放左3個星期之後有索水既情況
同埋如果係work既應該個個做船前都叫船廠打定膠 反正唔係使多好多 無人咁做應該有其中道理卦 個人意見
咁我見意要用就老死用來路貨

KEN兄, 謝謝提點,我會在第一次下水時留意水線, 然后觀察之後的日子會不會水線下降

上次你用的是AB黑白料定係噴裝呢?

剛把一塊AB水成形的切出來, 也切一塊噴裝的切出來, AB水有吸水性, 噴裝無事, 而家放入個樽度, 浸了水, 看過幾日後的變化

AB膠水可以係邊買呢？
罐裝膨脹膠流動性較差，要倒滿廿多尺嘅船底，是否要開多啲灌注孔呢？

先謝謝PN 師兄分享. 我自己有玩開帆船.亦好喜歡整lee 整lo. 近來想試找一快艇,我發覺我要親身看看先可以感覺到那空間感. 所以不厭奇煩想打攪PN 師兄. 好欣賞師兄對造船的知識和willing to try的passion. 無論如何,有空一同出海交流. 我船在西貢 :D

不好用AB黑白料, 用罐裝好, 經測試, 黑白料會有吸水情況, 自己用后的經驗, 在工作時也不太喜歡, 如你要買, 可在淘寶網找到的, 記住不是AB膠水, AB膠水泛指環氧樹脂EPOXY, 我用的AB是黑白料--聚氨酯發泡劑, 因KEN兄提點, 我現要把部份懷疑己吸水或擔心會吸水的泡沬取走, 用罐裝果D無問題

罐裝果D, 乾咗之后都最好不要切開, 因為會破壞表面露出了細孔, 果D細孔有機會儲水的, 實驗進行中, 一天了, 切開的那一塊仍沒有吸水

我家用分體冷氣, 用咗幾年, 昨天把一塊也割下來, 無切割的, 一樣防水, 不過切開了的也會輕微吸水, 即係老化了的, 經切割的, 也有可能吸水

我昨天也找到外國交流區看過, 結論係不可把有機會遇水的泡沬切開, 因為這會破壞防水面。

用罐裝先唔駛鑽太多孔, 一個7MM孔, 無需用付帶的膠管, 直接把它倒轉, 把個咀插入個孔度, 壓下去, 用完一枝便再一枝地接力來注

不過有3點要注意:
1) 每枝只能用一次, 不可留, 乾了的會結在個咀上, 好難再用, 每枝一次地用完

2) 一個孔, 接力賽注入後, 最後一枝由佢插實, 乾晒才抽走, 注過了的孔, 己給封死, 如仍未夠, 要開第二個孔

3)呢一點好重要, 你要了解你船的結構, 它裡面是一格一格的獨立分隔,還是由頭到尾都可相通, 無論如何, 如果注入太多, 而佢又無位走, 後果係地台會漲起, 更惡劣的結果係漲爆船身纖維

所以最好在一個空間上, 對角鑽孔, 當另一角差不多出現泡沬時便停手, 由佢自漲, 要找人看, 或一路注, 一路看, 亦可評估要多少枝, 每枝都話自己可漲60-80倍, 其實我話無咁大, 一枝好似殺蟲水SIZE, 如果係60倍, 即係長闊高放大60倍, 咁咪成間細房咁大? 我用過的感覺大約一枝會漲到2立方呎

好呀, 今年看來出不成了, 我船還有好多地方要做

60倍可能係指密度

差不多一星期了, 噴裝的膨漲膠浸了水咁耐無問題, 沒有水滲入, 但ab黑料唔得, 成件海棉咁, 我已把船上的ab黑白料取走, 感覺到潮濕, 部份亦有水份, 結論係如要用泡沫填封空間, 用噴裝的, 不要用ab黑白料, 好彩船仍在岸上, 亦好彩ken兄講一講我先去把ab料取樣本出來試試, 果然有水

大家互相交流 取經

PN, 有要事相求, 可否來电一說談。謝謝。92279817。

PN, 有要事相求, 請來電一談。謝謝。92279817

C兄，想問下你最後出到牌，要那些文件？
你的皮艇什麼牌子？